MAITHILI LOKGEET

पीअर आँचर विषहरि, थकरल केश । राम, सेवक दुख सुनय विषहरि लेल परेश किये लय पूजू मइया, किये चढ़ायब । राम, किये लए करब मइया तोहरो श्रृंगार । दूध लऽ पूजब मइया, लाबा चढ़ाएब ।। राम, अड़हुल फूल लय करब श्रृंगार 1 फल मध्य गुअबा, नैवेद्य मध्य पान । राम, देवी मध्य विषहरि दोसर ने आन

छोटी-मोटी अंगनामे बहुत पसार । राम, मिलैत-जुलैत विषहरि के भए गेल साँझ । आमा गर मिलय गेली उती-पेटार ।। राम, बाबा घर मिलय गेलय देल धेनु गाय ।। भउजो गर मिलय गेली, मुखह ने बोल । राम, भइया गर मिलय गेली लहगा-पटोर ।

ऊँची रे अटरिया पर विषहरि माय, राम, नीची रे अटरिया पर सोनरा के भाय । देबौ रे सोनरा भाइ डाला भरि सीन, राम, गढि दिअनु विषहरि क कलस पचास बाट रे बटोहिया कि तोहें मोर भाइ, राम, कहबनि विषहरिके कलस लय जाइ तोहरो विषहरि के चिन्हिया ने जानि, | राम, कहबनि कोनाकः कलस लय जाय । हमरो विषहरि के नामी-नामी केश, राम, मुठी एक डॉर छनि अल्प वएस ।

कागा लऽ गेल मुद्रिका, चिल्होरि ग्रीमहार । रामं, ताहि लेल विषहरि रोदना पसार । सोन ले रे सोनरा, रूपा ले पटा । राम, गढि दए सोनरा भैया सोने श्रीमहार । पहिरि लीअ विषहरि मैया, गले ग्रीमहार । राम, कर लागू आहे विषहरि सेवक गोहार । नाव ला रे मलहा भइया आरो करुआरे । राम, विषहरि औती मृतभुवन, हुरती कलेर

पवनैतिन पर विषहरि ढर गयो रे, गजब भयो रामा जुलुम भयो रे । विषहरि के देखलहुँ फूलो के डाढि पर, झूल गयो रे । गजब भयो रामा जुलम भयो रे विषहरि के देखलहुँ मेंहदो के डारि पर, झूल गयो । - गजव भयो रामा जुलुम भयो रे बिषहरि के देखल जाही-जूही में, छुप गयो रे गजब भयो रामा जुलुम भयो रे बिषहरि के देखलहुँ लाबा-दूध खाइत, गजब भयो रामा जुलुम भयो रे

विषहरि विषहरि, करै छी पुकार । कतहुँ ने देखै छी, जननी हमार । तेल दे रे तेलिया, दीप दे रे कुम्हार । बाती दे रे पटबा भइया, लेसू प्रहलाद । नाव दे रे मलहवा भइया, धरू करूआर । जायब सरोवर-पार, होली अबेर । अबेर ।।

सावन मास नागपंचमी भेल घर-घर विषहरि पूजा लेल । ककरो घर विषहरि दूध लाबो लाल । ककरो घर खोर भोजन लेल । भगता घर विषहरि दूध लावा लेल । सेवकक घर खीर भोजन लेल भनहि विद्यापति विषहरि केलि । सदा रहब है मैया दहिन भेल । कओने फूल उज्जर, कओने फूल लाल । कौने फूल विषहरि के सोभय ग्रीवाहर । चेली फूल उज्जर, गेन्दा फूल लाल । अंदुल फाल विषहरी के शोभय ग्रीवाहार । पहिरि ओढ़ विषहरी आँगन भेली ठाढ़ । सुरूजक जोति किषहरि- कयल मलीन । कहाँ तोर आसन बासन कहाँ तोर यास है । ककर तो पाँचो बेटी छल की तोहर नाम हे । मैंना पात आसन वासन सरोबर कास है । गौरी दाई के पाँचो बेटी विषहरि नाम है । नाव ले ? मलहा भैया रूपे करूआरि । विषहरि जेती मृत्युभवन हेतनि अतिकाल । दीप ले रे कुम्हरा भइया पाटे सुत बाती । तेल दे रे तेलिया भइया होइए अतिकाल 1 भनहि विद्यापति विषहरि नाम । सदा भेल दिन रह जुनि होइयौ बाम ।

छोटी-मोटी   निमक गछिया  नाक गछिया, चतरल-चतरल डारि ताही ठाम पाँचो बहिनी, खेलय जुआ सारि । जुअबा खेलइते माइ हे, टुटल गृमलहार । कनइते खिजइते विषहरि, गहबर लोटाइ । जुनि कानू, जुनि खीजू, बिषहरि आबऽ दिअ पटबा, गथायब गृमलहार पहिरि-ओढ़ बिषहरी, आंगन भेली ठादि चान-सुरूजक जोति, गेल मुरझाया ।

कथी के चौखण्डी माता कथी के चौपारि ा कधी के ओढनी विसहरि खेले जुआ सारि । सोना को चौखण्डी मैया रूप चौपाई । तुलसी ओठडनी विषहरि खेले जुआ सारि । खेले धुपत विषहरी गेली अलसाय । सिरमा बैसल भगता बेनिया डोलाय । कहाँ तोर आसन-बासन कहाँ निज धाम 1 कोने दाइक बेटी थिकी कि धिक नाम । मैना तोहर आसन-वासन वैह ठीक नाम । गौरी दाइक बेटी थिको बिसहरि नाम । जोडी लागल छागर देव रहू एहि ठाम । सदा दहिन रहू होइयो ने बाम ।                                सावन विषहरी लेलनी प्रवेश । भादव विषहरि खेलल झिलहरि । आसिन विषहरि भगता लेल पान । कार्तिक विषहरि नयना झरू नोर । अगहन विषहरि होयतीह अनमोल । सभ दिन सभ ठाम रहथि सहाय ।

                विषहरिक गीत पियर अँचरी विषहरि के नामी-नामी केश । घुमइत एली विषहरि तिरहुत देश । तोहरो सिंगार विषहरि लाबा आ दुध । हमरो सिगार विषहरि सिर के सिन्दूर । तोहरो सिंगार विषहरि अड़हुल फूल । हमरो सिंगार विषहरि कोर भरि पूत । फल बीच गुअबा नैवेद्य बीच पान । देवी बीच विषहरि मैया दोसर नहि आन 1 साओन मास नागपञ्चमी भेल । विषहरि गहवर सोहावन भेल ।। केओ नीपे गहवर केओ चौपारि । हमही अभागिन निपी दुआरि । केओ लोढे अढूल केओ बेलपत्र । हमहु अभागिन हरियर दूबि केओ माँगे अनधन केओ माँगे पूत । हमहू अभागिन सिरक सिन्दूर ।