कोना करू सम्मान महादेव, सम्मानक ओरियान कहाँ
गरोद के अभिलाषा मनमे से जानथि भगवान कहाँ
अपने तऽ एल ई जनि जगमे, आनन्दक हिलकोर भेलड
महिमा अहाँके जगत विदीत अछि, ई जनि जगमे सोर भेल ।।
अपने के रूप अछि गंधर्व, बाघम्बर लेपटौने छो
महिमा अहाँके जगत विदित अछि, असली रूप नुकौने छो ।
स्वागत अछि श्रीमान अहाँके, किन्तु मनोहर अछि गान कहा।
कोना करू सम्मान महादेव, सम्मानक ओरियान कहाँ ॥
बम-बम भैरो हो भूपाल, अपनी नगरिया भोला, खेबि लगाबऽ पार । कथी के नाव-नेवरिया, कथी करूआरि, कोने लाला खेवनहारे, कोन उतारे पार । सोने केर नाव-नेवरिया, रूपे करूआरि, भैरो लाला खेवनहारे, भोला उतारे पार । जँ तोहें भैरो लाला खेबि लगायब पार, मोतीचूर के लडुआ चढायब परसाद । हाथी चलै, घोड़ा चलै, पड़ै निशान, बाबा के कमरथुआ चलै;, उठै घमसान । छोटे-मोटे भैरो लाला, हाथीमे गुलेल, शशिधर के दोगे-दोगे रहथि अकेल सखि हे सुनै छलिएन शिव बड़ सुन्दर, मुदा देख छिऐ रूप भयंकर है| सखि हे सुनै छलिऐन शिव औता गज चलि हे, मुदा शिव ऐला बड़द चढ़ा है । सखि हे सुनै छलिऐन शिव के पिताम्बर हे, मुदा देखे छिऐन ओढने बाघम्बर हे । भनहि विद्यापति गावल, शिव सुन्दर वर गौरी पावल
Comments
Post a Comment